A s’atintzione de:
Istituto Comprensivo Di Pèrfugas
A s’atintzione de su:
Dirigente e de su personale Aministrativu
prot. N°60
Pèrfugas, 07/01/2013
Ogetu: dimanda pro s’integratzione de sos mòdulos de iscritzione pro s’insingiamentu de sa Limba Sarda.
Cun sa presente, a pustis de sas esperièntzias didàticas pretzedentes e cuncretizadas in sos ùrtimos degh’annos chi ant interessadu, dae su 2000, sos istudiantes e sas famìlias de s’Istitutu Cumprensivu nostru cun una aprovatzione cunfirmada in su tempus de s’80% de adesiones, afirmadu finas in sos datos cunstatados gràtzias a s’anàlisi de su ministeru realizada in su matessi tempus de sas iscritziones de su 2012, cherimus dare boghe a totu sas dimandas retzidas, pidende bos:
– de cunsiderare sas matessi integrende s’issèberu in sos mòdulos de iscritzione de sos istitutos bostros cun sa possibilidade crara de isseberare sa limba sarda in s’Annu Acadèmicu chi at a bènnere.
– De tènnere a mente chi cun custa integratzione ant a èssere ativadas sas dimandas de finantziamentu de sos cursos de sa Regione de Sardigna e sos Entes incarrigados, creende possibilidades noas de traballu a intro s’istrutura de s’Istitutu.
– De cunsiderare chi esistint giai, in su territòriu nostru, professionales calificados capatzes de realizare custu tipu de cursos e chi, pro su chi pertocat sos dotzentes interessados, at a èssere pedidu s’inserimentu in sos cursos formativos giai cumentzadu gràtzias a s’Universidade de Casteddu.
Cun s’ispera de una cunfirma positiva a sa presente, cun gentilesa si despidit.
Firmadu
Su Sìndigu Dot. Mario Satta
sa Giunta Comunale de Pèrfugas
